Përleshje në një familje në Gjilan, lëndohen tre persona

Tre persona janë përfshirë në një përleshje fizike në një rast të dhunës në familje që ka ndodhur në Gjilan.

Policia njofton përmes raportit se ngjarja ka ndodhur mbrëmjen e së dielës. Të përfshirë në rast janë dy meshkuj kosovarë dhe një grua shtetase e huaj, të cilët dyshohet se janë përleshur fizikisht mes vete.

Si pasojë e incidentit, të tre kanë pësuar lëndime trupore. Dy prej tyre kanë marrë trajtim mjekësor, ndërsa personi i tretë ka refuzuar trajtimin. Lidhur me rastin është njoftuar prokurori.

“Gjilan / 19.07.2026 – 22:30. Raportohet se janë përleshur fizikisht tre të dyshuar, dy meshkuj kosovarë dhe një femër shtetase e huaj. Si pasojë e kësaj, të dyshuarit kanë pësuar lëndime trupore, dy nga ta kanë pranuar tretman mjekësor ndërsa një ka refuzuar. Lidhur me rastin është njoftuar prokurori”.