Kryetari i partisë “Guxo”, Faton Peci, në emisionin CONTEXT në ATV, deklaroi se qytetarët kanë marrë prova të mjaftueshme për ta vlerësuar qeverisjen aktuale si të mirë.
Ai tha se, përveç programit qeverisës, besueshmëria e qytetarëve lidhet kryesisht me liderin dhe ekipin, të cilët garantojnë një qeverisje të përgjegjshme.
“Në funksion të kësaj, unë mendoj që janë dhënë provat e mjaftueshme në nivel të qeverisë për një qeveri siç ka qenë e mirë, përkundër faktit që ne kemi ardhë në qeveri në kohën më të përshtatshme”, tha Faton Peci.
Ai shtoi se qeverisja e tyre ka ndodhur në kohën më të papërshtatshme, për shkak të sfidave globale, përfshirë pandeminë, krizën energjetike dhe inflacionin.
“Koha ka qenë më e papërshtatshme për shkak se sfidat kanë qenë edhe në nivelin global. Kemi ardhë në drejtim të qeverisë në kohën kur ka qenë pandemia në diçka që ndodh njëherë në një shekull. Kanë pasur kriza e energjisë dhe inflacioni, që rëndom të vie në gjithë shekullin, Mandej, agresioni i Rusisë në Ukrainë dhe pasojat për mbarë globin, si dhe edhe sulmet terroriste ose që mund ta quajmë nivel të agresionit të Serbisë kundrejt Kosovës, të cilët kanë marrë shumë angazhim dhe energji”, tha Peci.
Deklaratën e plotë të Faton Pecit në CONTEXT, e gjeni në videon më poshtë:
