Pas dorëheqjes, Memli Krasniqi rikthen frazën e famshme të Hashim Thaçit: “Kjo nuk është lamtumirë, kjo është vetëm mirëupafshim”

Pas dorëheqjes nga posti i kryetarit të Partisë Demokratike të Kosovës, Memli Krasniqi ka rikthyer një nga frazat më të njohura të ish-presidentit Hashim Thaçi, duke thënë:

“Kjo nuk është lamtumirë, por vetëm mirëupafshim.”

Krasniqi dha dorëheqje gjatë mbledhjes së Kryesisë së PDK-së, e cila u mbajt sot nga ora 15:00.

Ai kishte marrë drejtimin e partisë më 3 korrik 2021, duke u zgjedhur me 469 vota për dhe vetëm 7 kundër.

Në zgjedhjet lokale të fundit, PDK-ja ka fituar gjashtë komuna – Prizrenin, Ferizajn, Skenderajn, Vushtrrinë, Kaçanikun dhe Hanin e Elezit – ndërsa ka humbur Drenasin dhe Mitrovicën.