Pas dhjetëra dështimesh vitin e kaluar, Albulena Haxhiu zgjidhet kryetare e Kuvendit me 66 vota pro

Albulena Haxhiu është zgjedhur kryetar e Kuvendit të Kosovës.

Ajo mori 66 vota ‘’për’’.

Kundër ishin 44 deputetë, dhe 8 ishin abstenime.

Haxhiu, gjatë vitit të kaluar, s’kishte arritur të marrë shumicën e votave edhe pse ishte propozuar me dhjetëra herë për këtë pozitë.

Ndryshe kjo legjislaturë e re e Kuvendit është zgjedhur nga zgjedhjet e 28 dhjetorit. Këto të fundit janë mbajtur pas një bllokade disa mujore.