Papa Françesku ka anuluar eventet e tij të planifikuara gjatë ditëve të ardhshme pasi u shtrua në spital, tha Vatikani. Papa u shtrua të premten në një spital në Romë pas problemeve me bronkitin.
Në një deklaratë të premten, Vatikani tha se Papa ishte pranuar në spital për shkak të përkeqësimit të bronkitit dhe se testet e para diagnostike kishin treguar një “infeksion të traktit respirator”.
Pjesëmarrja e planifikuar e Papës në një audiencë të shtunën është anuluar, ndërsa mesha në Bazilikën e Shën Pjetrit të dielën do të mbahet nga kardinali José Tolentino de Mendonça. Një vizitë në studiot e filmit Cinecittà të hënën është anuluar gjithashtu.
Viteve të fundit, Papa është përballur me probleme shëndetësore. Në mars të vitit 2023, ai u shtrua në spital me bronkit akut. Ai është parë gjithashtu shpesh në një karrige me rrota ose me një shkop ecjeje për shkak të një dhimbjeje të nervit shiatik dhe një problemi në gju.
