Osmani mbërrin në Tiranë, pritet nga Rama pak para nisjes së Samitit

Presidentja Vjosa Osmani ka arritur në samitin e Komunitetit Politik Europian ku e përfaqëson Kosovën. Ajo u prit nga nikoqiri i ngjarjes, kryeministri Edi Rama.

Komuniteti Politik Europian sivjet mblidhet nën moton “Europa e re në një botë të re: unitet – bashkëpunim – veprim i përbashkët”.

Udhëheqësit do të takohen fillimisht në një seancë plenare kushtuar sigurisë dhe një vizioni të përbashkët për të ardhmen e Europës.

Nga ora 11:45 do të flasin disa nga liderët kyçë të samitit, përfshirë presidentin ukrainas Volodymyr Zelensky, që do të pasojë fjalën e Ramës.

Osmani përfaqëson Kosovën në Samitin e EPC-së në Tiranë, bashkëkryeson tryezën për sigurinë dhe migrimin