Osmani: Kosova duhet të ruajë aleancat me miqtë ndërkombëtarë për të forcuar shtetin
Presidentja e Kosovës, Vjosa Osmani, në një intervistë për fundvit në emisionin STUDIO A në ATV, deklaroi se ruajtja e marrëdhënieve me miqtë ndërkombëtarë është vendimtare për mbrojtjen e shtetësisë dhe përparimin e vendit.
Ajo nënvizoi se Kosovën e presin sfida të vazhdueshme, prandaj bashkëpunimi me aleatët duhet “ujitur” vazhdimisht për të siguruar mbështetje të qëndrueshme.
Reklamë
“Aleancat me miqtë tanë ndërkombëtarë vazhdimisht duhet të ujiten, sepse janë të domosdoshme për sukseset e mëtejme të Kosovës”, tha Osmani.
Ajo shtoi se mësimi më i rëndësishëm që ka nxjerrë nga përvoja e saj si presidente është se, asgjë nuk duhet marrë si të mirëqenë, sidomos në ruajtjen e lirisë dhe sovranitetit të Kosovës.
“Liria jonë duhet të mirëmbahet, të mbrohet në çdo moment. Çdo e arritur duhet të mirëmbahet”, shtoi Osmani.
Intervistën e plotë të Presidentes Osmani në STUDIO A në ATV, e gjeni në videon më poshtë:
Reklamë
