Një javë afat për Presidentin, PDK mbledh Këshillin Drejtues dhe del me Deklaratë Politike – ky është rendi i ditës

Këshilli Drejtues i Partisë Demokratike të Kosovës (PDK) do të mblidhet sot në orën 16:00, ku pritet të dalë me një deklaratë politike lidhur me gjendjen aktuale politike në vend.

Përmes kësaj deklarate do të formalizohen qëndrimet dhe veprimet e partisë në raport me zhvillimet politike dhe çështjet me rëndësi për qytetarët.

Kjo mbledhje vjen pikërisht tetë ditë para skadimit të afatit të Gjykatës Kushtetutuese për zgjedhjen e Presidentit.

Përveç deklaratës politike, anëtarët e Këshillit të Përgjithshëm të PDK-së do të informohen edhe për zgjedhjet e 28 dhjetorit 2025.