Komisioni Qendror i Zgjedhjeve (KQZ) ka caktuar datat e fushatës për raundin e dytë të zgjedhjeve lokale në Kosovë. Fushata do të zhvillohet nga 3 nëntori deri më 9 nëntor 2025, duke përfunduar në orën 06:59.
Raundi i dytë i zgjedhjeve do të mbahet në këto qytete: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
KQZ njofton gjithashtu se periudha për votimin me postë është hapur nga 27 tetori deri më 8 nëntor 2025. Kjo i mundëson 29,712 qytetarëve të Kosovës, të regjistruar për votim jashtë vendit, që të ushtrojnë të drejtën e tyre për të votuar në raundin e dytë të zgjedhjeve për kryetarë komunash.
