Nëntë muaj pas zjarrit në tregun e gjelbër, tregtarët pa kompensim
Përgatiti: Pranvera Krasniqi
Rrahman Feta është njëri prej tregtarëve që nga zjarri i nëntë muajve më parë, humbi një pjesë të konsiderueshme të mallit që shiste në tregun e gjelbër në kryeqytet.
Reklamë
Feta, i cili me shitjen e tekstilit ka mbajtur familjen e tij, ende po pret kompensim për dëmet e shkaktuara. Që prej djegies së tendës, ky e ka improvizuar një të ngjashme, në një cep të tregut.
Mirëpo, kolegët e tij, djegien e tendave e kishin përjetuar edhe më rënd.
Përderisa, sipas pronarëve, askush nuk u interesua për gjendjen e tregut pas zjarrit, nga komuna e Prishtinës thonë se kanë një plan të kompensimit.
“Duam t’i bëjmë bashke të gjitha tregjet në Prishtinë, t’ua bëjmë tendat e tyre diku në Hajvali sapo ta nënshkruajmë kontratën do të fillojmë me punimet”, tha Donat Lushaku, zëdhënës në komunën e Prishtinës.
Sipas Lushakut, tregu, së bashku me tendat e reja për tregtarët e Prishtinës, do të jenë gati në fillim të vitit 2025.
Më shumë detaje i gjeni në Edicionin Qendror të lajmeve në videon më poshtë:
Reklamë
