“Në Gjermani është rroga 2000 euro, por vetëm qiraja e shtëpisë kushton 1100 euro”, profesori tregon se çfarë ekonomie familjare mund ta kenë ata që shkojnë të punojnë në Gjermani

Profesori Medain Hashani, në emisionin A LIVE në ATV, ka bërë një llogaritje se sa mund të fitojnë qytetarët të cilët shkojnë për të punuar në Gjermani, duke u bazuar në pagën minimale neto që është atje.

Ai thotë se edhe nëse punojnë të dy bashkëshortët, nuk mund ta kenë një ekonomi familjare më të mirë se në Kosovë, nëse këtu është paga 700 euro.

“Unë nuk po bazohem te puna e kamerierit, por po bazohem te paga minimale. Paga minimale në Gjermani neto është 2000 euro. Qiraja mesatare që duhet ta ketë, që është 30-40 kilometra larg qendrës kryesore është diku rreth 1100 euro. Një i punësuar, i cili e merr pagën minimale 2000 euro, 1100 euro duhet të paguajë qira, do me thanë atij kanë me i mbetë 900 euro. Sigurimi shëndetësor që duhet me e pagu është 300 euro, i mbesin 600 euro. Udhëtimin që duhet me e pagu vet për shkak se i ka dy transporte, me autobus dhe me tramvaj dhe për me shku te vendi i punës, kosto mesatare është diku rreth 250 euro. Nëse i zbresim nga 600, mbesin 350 euro. Mirëmbajtja e banesës, rryma, uji, i kalon 400 euro që duhet me i pagu një ekonomi familjare. Kështu që edhe nëse dy bashkëshortë me shku, nuk munden me e pasë standardin që e kanë në Kosovë me një pagë prej 700 euro”, tha Hashani. /atvlive.tv