Ndizen qirinj në nderim të avokatit Andrew Strong, të pranishëm Haradinaj e Krasniqi

Në nderim të avokatit amerikan, Andrew Strong që vdiq mbrëmë, janë ndezur qirinj në Teatrin Kombëtar të Kosovës.

Në organizim morën pjesë kryetari i AAK-së, Ramush Haradinaj, Violeta Veseli – gruaja e Kadri Veselit, deputetja e AAK-së, Time Kadrijaj, kryetari i PDK-së, Memli Krasniqi e figura tjera të njohura nga politika.

Ky aktivitet vjen nga platforma ”Liria ka Emër”, në nderim të veprës së Strong, si avokat i ish-kryeparlamentarit Kadri Veseli në rastin e tij nga Gjykata Speciale.

Njëherit, Strong ishte edhe pjesë e ekipit të dikurshëm të mbrojtjes në rastin e Ramush Haradinajt në Hagë. /Paparaci