Dy edukatoret e dyshuara në rastin e dhunimit të trevjeçarit në Fushë Kosovë janë në ndalim për 48 orë. Ndalimi i atyre ka ardhur pas përfundimit të fazës preliminare të veprimeve hetimore.
Kështu ka njoftuar policia që tha me rekomandimin e prokurorit ka iniciuar një hetim në drejtim të veprës penale “Keqtrajtimi gjatë ushtrimit të detyrës zyrtare ose autorizimeve publike”.
N. M, femër, 64 vjeç, shtetase e Republikës së Kosovës, si dhe N. H, femër, 56 vjeç, shtetase Republikës së Kosovës, janë dy edukatoret e ndaluara për 48 orë.
Vendi është tronditur nga një video e publikuar në rrjete sociale ku shihet një sjellje e papërshtatshme e edukatoreve të institucionit parashkollor “Gëzimi ynë” në Fushë Kosovë ndaj një 3-vjeçari.
