NBA është kampionati më i fortë, më i bukur dhe më i pasur në basketbollin botëror. Edhe para se të shënohet koha e parë e sezonit të ri, liga ka thyer rekorde pagash për lojtarët.
Në 10 vitet e fundit, buxheti për kontratat është trefishuar, dhe kjo pasqyrohet në listën e basketbollistëve më të paguar. Në krye qëndron Stephen Curry i Golden State, me rreth 59 milionë dollarë në sezon.
Pas tij vijnë dy yje të mëdhenj: Nikola Jokiç nga Denver dhe Joel Embiid nga Philadelphia, të cilët fitojnë nga 55.2 milionë dollarë secili.
Kevin Durant, tani me Houston, renditet i katërti me 54.7 milionë dollarë, duke lënë pas veteranin Jimmy Butler të Golden State, që fiton 54.1 milionë.
Në dhjetëshen e parë janë gjithashtu Anthony Davis, Jason Tatum, Janis Antetokounmpo, Karl-Anthony Towns dhe Jaylen Brown.
Ndërsa LeBron James i Lakers renditet i 12-ti me 52.6 milionë dollarë, Luka Donçiç është i 22-ti me rreth 46 milionë.
Sipas mediave amerikane, Donçiç pritet të rinovojë kontratën në fund të sezonit me një shifër rekord për historinë e NBA-së. /ATVLIVE.TV
