Moshat e shtyra më të pranishme në orët e para të votimit në Kaçanik
Procesi zgjedhor në qendrën më të madhe të votimit në Komunën e Kaçanikut, në shkollën “Emin Duraku”, ka nisur pa probleme të mëdha, me vetëm disa vonesa të vogla në tri pika votimi.
Sipas menaxherit të qendrës, Lulzim Krasniqi, votimi ka nisur pothuajse në kohë dhe materiali zgjedhor ka mbërritur pa vonesa.
Reklamë
Ai për ATV-në tha se në orët e para janë vërejtur kryesisht votuesit e moshave të shtyra, të cilët duket se kanë preferuar të përmbushin obligimin qytetar herët gjatë ditës.
Një risi në këto zgjedhje është vendosja e kamerave në çdo klasë votimi, për të siguruar një proces të rregullt dhe transparent. Për momentin, procesi po zhvillohet pa mungesa të stafit apo probleme organizative. /atvlive.tv
Më shumë detaje i gjeni në Edicionin Special të ATV-së për Zgjedhjet Parlamentare 2025, në videon më poshtë:
Reklamë
