Një burrë i “tronditur” nga lindja e fëmijës së tij të dytë u kap në kamera duke i rënë të fikët në sallën e lindjes, ndërsa i porsalinduri i tij erdhi në jetë me prerje cezariane.
Maicon Pedroso, u rrëzua në një spital të Brazilit, ndërsa pa gruan e tij, Mariane Felippe, të lindte vajzën e dytë më 18 prill.
Një mjek kujdestar u detyrua ta kapte babanë, i cili po i mbante dorën Felippes në momentin që vajza e tij lindi, nga sqetullat dhe ta mbante. Ai u ul butësisht në dysheme, ku u vendos, pa ndjenja.
Maicon, i cili u zgjua pak kohë pas incidentit të të fikëtit, tha se rifitoi vetëdijen në spital pa kujtuar lindjen e fëmijës së tij. Maicon u tha mediave lokale: “Nuk mbaj mend asgjë që nga momenti kur lindi foshnja.”
Ai dhe gruaja e tij telefonuan spitalin në orët e para të mëngjesit javën e kaluar, ndërsa Felippes i plasën ujërat. Mjekët vendosën t’i bënin nënës një prerje cezariane, e cila shkoi pa probleme deri në momentin e fundit.
Patricia Vogel dhe Viviane Borges, dy fotografe që morën pjesë në lindje, vunë re se sa mirë dukej se kishte shkuar procesi para “momentit të saktë kur lindi foshnja”.
