Përgatiti: Donita Bytyqi
Derisa u shënua Dita Botërore e Dhurimit të Gjakut vullnetarë të shumë iu përgjigjen thirrjes për dhurim. Pjesë e vullnetarëve ishte edhe Komandanti i Njësisë Speciale të Kosovës, Amir Gërguri, i cili tha se bashku me ekipin e tij janë dhurues të rregullt.
“Secili qytetar që ka shëndetin e mirë edhe ka mundësi të jep gjak të vijë të dhuroj gjak për ata që kanë nevojë, sepse nesër mund të jenë edhe vet ata që duhet edhe kanë nevojë për gjak”, tha Gërguri.
Ndërkaq nënkryetarja e Federatës së Bjeshkatarëve Alpiniste të Kosovës teuta Bicaj shtoi se cdo vit bashkë me shumë miq e bashkëpunëtorë kontribuojnë duke dhuruar gjak.
“Na si shoqëri bjeshkatare alpiniste e Prishtinës, domethënë grupi jonë jemi dhurues të gjakut, meqenëse merremi me aktivitete bjeshkatare, një nga pikat tona është edhe kjo pikë humanitare dhurimi i gjakut “dhuro gjak, shpëto jetë”, tha Bicaj.
Numri i vullnetarëve të cilët dhurojnë gjak viteve të fundit është shtuar në Kosovë por edhe Qendra për Transfuzionin e Gjakut ka shtuar aktivitetin.
“Qytetaria ka kuptu, një pjesë e konsiderueshme e banorve të Kosovës e kanë kuptu rëndësinë e dhurimit të gjakut, e këtë më së miri e tregon interesimi I tyre të cilët nuk rreshtin për organizime të tilla të dhurimit të gjakut”, tha Zhupi.
Aktiviteti i dhurimit të gjakut në kryeqytet do të zgjasë deri më 15 qershor.
“Kisha falënderu të gjithë qytetarët në Ditën Ndërkombëtare të Dhurimit të Gjakut, të cilët janë dhurues të gjakut dhe i ftoj ata që nuk e kanë bërë deri më tani, të paraqiten në Qendrën tonë domethënë mund të dhurojnë të gjithë personat e shëndosh”, tha Maliqi-Qormemeti.
Një pjesë e madhe e nevojave të pacientëve për gjak në institucionet shëndetësore në Kosovë plotësohen nga dhuruesit vullnetarë.
