Një video është shpërndarë në rrjetet sociale, që përmes inteligjencës artificiale përdor imazhin e Taylor Swift për të promovuar produkte të kuzhinës pa autorizimin e saj. Në këtë video, e cila po përhapet me shpejtësi, shihet një version virtual i yllit.
Në video shihet Taylor Swift që ofron “falas” një koleksion tenxheresh luksoze nga marka e njohur “Le Creuset”.
Kompania “Le Creuset” ka bërë një deklaratë, nëpërmjet të cilës sqaron se nuk ka organizuar promovim të tillë duke shtuar se reklama është mashtruese.
Gjithashtu, shuma prej 9.96 dollarësh që përmendet për transport në video mbetet tërësisht e paqartë, duke lënë hapësirë për dyshime në lidhje me qëllimet e vërteta të autorëve të videove.
Taylor Swift nuk është e vetmja që është bërë cak i shfrytëzimit të imazhin e saj në internet nga inteligjenca artificiale.
Disa të famshëm kanë filluar të ndjehen të kërcënuar nga inteligjenca artificiale për shkak të mundësisë që teknologjia të keqpërdoret për të krijuar përmbajtje mashtruese që mund të dëmtojë reputacionin dhe të drejtat e tyre./atvlive.tv/
