Chelsea mund të hyjë në ndeshjen ndaj Leeds me një ndryshim të madh në formacion, pasi kapiteni Reece James mund të mos e nisë sfidën nga minuta e parë. Lajmi është konfirmuar nga vetë trajneri Enzo Maresca, i cili nuk e ka fshehur dilemen e tij.
“Ta nis Reece nga fillimi? Është e komplikuar,” tha Maresca.
“Do të doja ta aktivizoja në çdo ndeshje… por duhet të shohim.”
Ky qëndrim lë të kuptohet se Chelsea nuk dëshiron të rrezikojë mbingarkimin e James, i cili ka pasur probleme të shpeshta me lëndime dhe ende po rikthehet në formën optimale.
Vendimi për ta lënë në stol mund të vijë si masë sigurie, sidomos me rikthimin e Palmer dhe ngarkesën e ndeshjeve që i presin Blutë në javët e ardhshme.
Ndeshja ndaj Leeds është tejet e rëndësishme për Chelsea-n, por Maresca duket i vendosur të mos sakrifikojë shëndetin e kapitenit të ekipit.
Të gjitha sytë tani tek formacioni zyrtar: a do të nisë Reece James nga stoli?
