Kryetari i ardhshëm i New Yorkut, Zohran Mamdani, vizitoi të hënën në mbrëmje Shtëpinë e Bardhë, ku zhvilloi një takim me presidentin e SHBA-së, Donald Trump, duke lënë shumë të befasuar me atmosferën miqësore dhe të këndshme.
Trump dhe Mamdani diskutuan për një sërë temash dhe para gazetarëve ruajtën një ton të këndshëm, edhe kur pyetjet ishin provokuese.
Një nga pyetjet iu drejtua Mamdanit lidhur me një deklaratë të kaluar ku ai e kishte quajtur Trumpin “fashist”.
Para se Mamdani të përgjigjej, Trump ndërhyri me një koment të pazakontë: “Ok, mund të thuash që jam. Është më e lehtë se sa të shpjegosh”, tha 79-vjeçari duke buzëqeshur, dhe gazetarët qeshën gjithashtu.
Vlen të përmendet se më parë, këta dy politikanë kishin pasur shpesh përplasje përmes mediave – Mamdani e kishte quajtur Trumpin “despot”, ndërsa presidenti e kishte cilësuar Mamdanin “komunist dhe të majtë të çmendur”.
Megjithatë, gjatë këtij takimi nuk u përdorën këto terma, dhe ata ranë dakord të bashkëpunojnë për disa çështje kyçe që lidhen me New Yorkun.
Reporter to Mamdani: Are you affirming that you think President Trump is a fascist?
Trump: That's okay. You can just say yes. I don't mind.pic.twitter.com/fnxdQ9Se03
— Clash Report (@clashreport) November 21, 2025
