Kryetari i Suharekës del në terren: Stuhia e fortë shkaktoi dëmtime në qytet e fshatrat përreth, bëni kujdes

Kryetari i Komunës së Suharekës, Bali Muharremaj, tha se stuhia e fortë që ka përfshirë zonën ka shkaktuar dëme në qytet dhe në disa fshatra përreth.

Ai doli në terren dhe publikoi disa fotografi në Facebook, ku u ka bërë thirrje qytetarëve që të tregojnë kujdes për shkak të kushteve të motit.

“Nga stuhia e fortë ka disa dëmtime në qytetin e Suharekës dhe fshatra me rrethinë. Apelojmë për kujdes”, shkroi ai.