Kosova U20 fiton bindshëm ndaj Katarit U20

Kombëtarja e Kosovës U20 ka arritur një fitore të merituar me rezultat 3:0 ndaj Katarit U20, në një ndeshje miqësore të zhvilluar në stadiumin “Fadil Vokrri” në Prishtinë.

Futbollistët e përzgjedhur nga trajneri Bekim Isufi dhanë një paraqitje mbresëlënëse, duke dominuar gjatë gjithë takimit.

Në pjesën e parë, mbrojtësi i krahut Omer Bajraktari realizoi dy gola, duke i dhënë epërsi të qartë Kosovës.

Në pjesën e dytë, rezultatin përfundimtar 3:0 e vulosi Ermir Qetaj, i cili shënoi në minutën e 59-të.

Ekipi mysafir nga Katari mbeti me një lojtar më pak në fushë, pasi Robert Joseph Oluw Atobi u ndëshkua me karton të kuq. /ATVLIVE.TV