Kombëtarja shqiptare do të zhvillojë dy ndeshjet e fundit kualifikuese për Kupën e Botës 2026 në Grupin K, përballë Andorrës dhe Anglisë.
Trajneri Silvinjo do të publikojë listën e lojtarëve të grumbulluar të premten, më 7 nëntor, dhe më pas do të mbajë një konferencë për mediat në “Shtëpinë e Futbollit”, ku do të flasë për listën dhe dy sfidat e ardhshme.
Grumbullimi zyrtar i kombëtares do të nisë të hënën në Barcelonë.
• Andorra – Shqipëri do të luhet më 13 nëntor në “Estadi FAF Encamp” në orën 20:45.
• Shqipëria – Anglia do të zhvillohet më 16 nëntor në stadiumin “Air Albania” në orën 18:00.
Aktualisht, Shqipëria renditet në vendin e dytë në Grupin K me 11 pikë. /ATVLIVE.TV
