23-vjeçarja që u lëndua dje pasi është goditur nga materialet e rënda që kanë rënë nga kulmi i ndërtesës së Komunës së Prishtinës, pas operacionit që iu nënshtrua mbrëmë, ajo është transferuar në Klinikën e Mjekimit Intensiv Qendror.
Lidhur me gjendjen e saj ka folur shefi i MIQ-it, Shaqir Uka, i cili tha se si pasojë e lëndimeve, ajo ka pësuar gjakderdhje në indin trunor dhe trajtimin po e bën e fjetur me barna dhe e varur nga aparatura e frymëmarrjes.
“Për shkak të lëndimeve ajo u është nënshtruar një intervenimi kirurgjik nga ana e ekipës së neurokirurgëve. Pastaj është sjellë për trajtim të mëtutjeshëm në mjekim intensiv dhe vazhdon të qëndron këtu e fjetur nga barna dhe e varur nga aparatura për frymëmarrje. Lëndime kryesisht në kokë, gjakderdhje në regjionin e indit truror, ka edhe lëndime në pjesën e unazës së qafës dhe dy unazave të pjesës torakale, lëndim të kockës së dorës së djathë, ndërsa në vazhdim pritet që në orët e ardhshme të bëhet vlerësimi definitive eventualisht për intervenime të tjera nëse ka nevojë”, tha ai.
Për më shumë ndiqni videon e mëposhtme:
