IKShPK: Ajri jo i shëndoshë, kujdes për personat e ndjeshëm

Ajri në Prishtinë edhe sot rezulton që të jetë tepër i rëndë dhe i rrezikshëm, ka njoftuar IKSHPK.

Insituti Kombëtar i Shëndetësisë Publike të Kosovës ka bërë thirrje që personat e ndjeshëm të mos i ekspozohen këtij ajri duke mos dalë në vende me ajër të ndotur në mëngjes dhe mbrëmje, dhe të mos i ajrosin shtëpitë e tyre kur ajri është kaq i ndotur.

“Kujdes për personat e ndjeshëm! Ajri jo i shëndoshë!” është mbishkrimi që ky institut ia ka vënë postimit në Facebook ku ka ndarë disa këshilla dhe udhëzime rreth të mbrojturit nga ajri i ndotur.