Kjo e shtunë solli dramë të madhe në futbollin amerikan. Inter Miami i Lionel Messit dhe Vancouver Whitecaps i Thomas Muller u përballën në finalen e MLS-së, një ndeshje e zjarrtë që në fund u kthye në triumf historik për ekipin nga Florida që triumfuan me shifrat 3-1.
Inter Miami mori epërsinë herët, falë një autogoli të Edier Ocampo në minutën e 8-të, por Vancouver reagoi gradualisht dhe barazoi rezultatin në 1-1 me golin e Ali Ahmed.
Në momentet vendimtare, Lionel Messi mori gjithçka në dorë.
Ylli argjentinas dha dy asistime të arta, fillimisht për Rodrigo De Paul në minutën e 71-të, e më pas për Tadeo Allede në minutën e 96-të, duke vulosur titullin e parë kampion në historinë e Inter Miamit.
ES NUESTRA!! 2025 MLS CUP CHAMPIONSSSS 🏆#CAMPEONES pic.twitter.com/YM121V6ksO
— Inter Miami CF (@InterMiamiCF) December 6, 2025
Përveç se i dhanë klubit trofeun e parë të madh në Shtetet e Bashkuara, Messi dhe bashkëlojtarët e tij u mundësuan edhe Jordi Albës dhe Sergi Busquetsit të largohen nga futbolli me një kupë në duar.
Një mbrëmje e paharrueshme për Inter Miamin dhe një tjetër kapitull magjik në karrierën e Leo Messit.
