Haradinaj: Në Ditën Botërore të Personave me Sindromën Down, le të reflektojmë me përgjegjësi

Kryetari i AAK-së, Ramush Haradinaj, ka thënë se sot është një ditë e veçantë për të shprehur dashurinë dhe përkrahjen ndaj atyre që janë unikë në mënyrën e tyre, personat me Sindromën Down.

Në një postim në Facebook, ai ka deklaruar se përkushtimi duhet të jetë i vazhdueshëm dhe jo vetëm sot por çdo ditë.

“Sot, në Ditën Botërore të Personave me Sindromën Down, le të reflektojmë me përgjegjësi për më shumë kujdes dhe mbështetje, ku secili ka mundësinë të zhvillojë potencialin e tij dhe të jetojë me dinjitet. Përkushtimi ynë duhet të jetë i vazhdueshëm, jo vetëm sot, por çdo ditë!”, ka thënë Haradinaj.