Grabitje e armatosur në një market në Ferizaj

Një person ka raportuar në polici se në marketin e tij në Ferizaj, dy persona të maskuar nën kërcënimin e armës i kanë grabitur 200 euro.

Policia e Kosovës njofton se rasti është duke u hetuar.

“Rr. Naim Beka, Ferizaj 04.12.2023-17:02. Viktima mashkull kosovar ka raportuar se në marketin e tij, dy persona të maskuar nën kërcënimin e armës, i kanë grabitur 200 euro dhe janë larguar në drejtim të panjohur. Njësitë policore kanë dalë ne vendin e ngjarjes. Rasti duke u hetuar”, thuhet në raportin 24 orësh të policisë.