Gjatë punimeve në Davos të Zvicrës nuk do të takim mes Kurtit dhe Vuçiqit

Kryeministri i Kosovës, Albin Kurti, dhe presidenti i Serbisë, Aleksandar Vuçiq, nuk do të takohen në kuadër të Forumit Ekonomik Botëror në Davos të Zvicrës.

Kurti e Vuçiq për herë të fundit janë takuar në shtator të vitit të kaluar në Bruksel, në kuadër të dialogut Kosovë-Serbi.

Takimi pati përfunduar pa ndonjë rezultat, ndërsa palët akuzuan njëra-tjetrën për dekonstruktivitet.

Forumi Ekonomik në Davos të Zvicrës fillon më 15 janar dhe do të zgjasë katër ditë, derisa “Rindërtimi i besimit” është motoja e edicionit të 54-t të tij.