Garda Kombëtare e FSK-së organizon garën ‘Shpëtimtari 2025’

Garda Kombëtare e Forcës së Sigurisë së Kosovës – Regjimenti i Mbrojtjes Civile ka realizuar me sukses garën vjetore “Shpëtimtari 2025”, ku morën pjesë njësi të specializuara si ato të Kërkim-Shpëtimit, Materieve të Rrezikshme dhe Deminimit.

Qëllimi i kësaj gare ishte vlerësimi i aftësive profesionale, fizike dhe taktike të pjesëtarëve të njësive, si dhe forcimi i bashkëpunimit dhe nxitja e frymës garuese ndërmjet ekipeve pjesëmarrëse.

Ngjarja u cilësua si një demonstrim i përgatitjes dhe përkushtimit të pjesëtarëve të FSK-së në përballjen me situata emergjente dhe operacione të ndërlikuara.