Në Kazermën “Adem Jashari” në Prishtinë është duke u mbajtur ceremonia e diplomimit të kadetëve të gjeneratës 2025 të Forcës së Sigurisë së Kosovës.
Në këtë ngjarje po marrin pjesë udhëheqës të lartë shtetërorë, përfaqësues të Ministrisë së Mbrojtjes dhe Forcës së Sigurisë së Kosovës, si dhe familjarë e mysafirë të shumtë.
Presidentja Vjosa Osmani vlerësoi përkushtimin dhe gatishmërinë e kadetëve për t’i shërbyer vendit me nder dhe përgjegjësi.
“Nuk ka nder më të madh sesa t’i shërbehet atdheut me zemër, betim dhe uniformë,” tha Osmani, duke theksuar se ceremonia shënon fillimin e një përgjegjësie të shenjtë.
