Forma e shkëlqyer e Baton Zabërgjës vazhdon në Ukrainë, sulmuesi merr ftesën nga Kombëtarja e Kosovës

Sulmuesi kosovar Baton Zabërgja ka vazhduar formën e tij fantastike këtë edicion në elitën e futbollit ukrainas.

Zabërgja ishte njëri ndër protagonistët kryesorë për ekipin e tij, Metalist 1925 Kharkiv (apo skuadrën e Kharkiv-it), në fitoren e pastër 2-0 në shtëpi ndaj Bukovynas, në kuadër të javës së shtatë të kampionatit. Disa minuta në këtë ndeshje mori gjithashtu edhe Ermir Rashica, i cili u inkuadrua në lojë në minutën e 85-të, duke zëvendësuar pikërisht Zabërgjën.

Kujtojmë se Zabërgja ka marrë ftesën nga Kombëtarja e Kosovës për katër ndeshjet e radhës që ‘Dardanët’ do t’i zhvillojnë në kuadër të Ligës së Kombeve.