Flet familjarja e viktimave në Malishevë: O Zot, nuk arrita t’i shpëtoj – ishin pa shenja jete

Tre persona, dy prej tyre fëmijë, kanë humbur jetën si pasojë e një zjarri që ka përfshirë një banesë në Malishevë.

Rreth kësaj tragjedie ka folur edhe një familjare e viktimave, e cila ka përshkruar momentet e rënda kur u përpoq t’i ndihmonte.

Mes dhimbjes së thellë dhe zërit që i dridhej, një familjare e viktimave përshkroi momentin tragjik: “I preka fëmijët me kqyr a kanë puls… aq sa di, e pashë që s’kanë shenja jete. I kapa shpejt dhe i çova në ambulantë, ishin pa shenja jete, të dy ishin të djegur krejt… s’mujta as me i puth, as me i përqaf. I kam pas si fëmijë të mi”.