Ferrari kërkon rikthimin në Austin, Leclerc shpreson te përmirësimet e reja

Ferrari është shumë pranë fitores, por suksesi vazhdon t’i shpëtojë skuadrës italiane. Pas paraqitjes në Singapor, skuderia nga Maranello synon të reagojë në garën e radhës në Austin, ku pritet të prezantojë një paketë të rëndësishme përmirësimesh.

Ndërkohë, Mercedes po kalon një periudhë të vështirë pas zhvillimeve të fundit teknike, ndërsa Red Bull dhe Max Verstappen janë rikthyer fuqishëm në luftën për kreun. Edhe McLaren mbetet një rival që Ferrari nuk mund ta nënvlerësojë.

Charles Leclerc pranon se skuadra ka humbur terren në tri garat e fundit kundrejt rivalëve kryesorë. Piloti nga Monako shpreson që përditësimet e reja të SF-26 të sjellin një ndryshim të madh në performancë.

Sipas tij, gjithçka do të varet nga aftësia për t’i sjellë përmirësimet në pistë sa më shpejt. Ferrari synon të bëjë një hap më të madh se rivalët dhe të rikthehet në garën për fitore.