Vrasja tronditëse e Liridona Murselit në Prishtinë, e cila u ekzekutua me porosi të bashkëshortit të saj, ka ngjallur reagime të shumta.
Një marshim-protestë do të zhvillohet në Tiranë lidhur me këtë ngjarje.
Marshimi, sipas njoftimit, do të nisë të dielën në orën 11:30 nga Ministria e Brendshme drejt Ambasadës së Kosovës në Tiranë.
Kujtojmë se deri më tani janë arrestuar tre persona të cilët lidhen me vrasjen e një gruaje në fshatin Sinidoll të Prishtinës, të mërkurën, mbrëma. Sipas Policisë, rasti po hetohet si vrasje me armë zjarri, ndërkaq njëri prej të arrestuarve është bashkëshorti i viktimës.