Një veturë është përfshirë nga zjarri mesnatën e së mërkurës në Prishtinë.
Ngjarja ka ndodhur konkretisht në lagjen Aktash, në lokacionin e njohur si rruga e Dubrovnikut.
I menjëhershëm ka qenë reagimi i ekipit të zjarrfikësve të cilët i shuan flakët, por lidhur me rastin, detaje ka dhënë komandanti i Brigadës, Malë Gashi.
Ai ka theksuar se ende nuk dihet se cila është arsyeja e zjarrit, ndërsa vendi i ngjarjes do të inspektohet sot për ta hetuar rastin dhe pastaj do të kuptohen shkaqet se si ka ndodhur.
Tutje, Gashi bëri të ditur se si pasojë e temperaturave të larta, një lokalit i janë thyer xhamat.
