​Begaj: Asambleja e Përgjithshme e OKB-së, moment i rëndësishëm

Presidenti i Shqipërisë, Bajram Begaj, ka thënë se Asambleja e Përgjithshme e OKB-së është moment i rëndësishëm për bashkëpunimin ndërkombëtar.

Kështu ka thënë Begaj përmes një statusi në rrjetin social “X”. Ai po qëndron në Nju Jorku të ShBA-së, ku po kryeson delegacionin shtetëror të Republikës së Shqipërisë, që merr pjesë në javën e punimeve të Sesionit të 78-të të Asamblesë së Përgjithshme të Kombeve të Bashkuara.

“Java e Nivelit të Lartë të Asamblesë së Përgjithshme të OKB po fillon. Ky është një moment i rëndësishëm për bashkëpunimin ndërkombëtar, mbushur me takime bilaterale dhe diskutime me liderë të tjerë botërorë”, ka shkruar ai në “X”.