Banorët e lagjes së “Muhaxherëve” mbesin pa rrymë pothuajse tërë ditën
Një pjese e lagjeve në kryeqytet kanë mbetur pa rrymë gjatë ditës së sotme (e hënë) nga ora 11:00, përkatësisht lagjja e “Muhaxherëve”.
Në KEDS thonë se ndërprerja e energjisë elektrike në këtë lagje është e planifikuar për punime në rrjet.
Reklamë
Zëdhënësi i KEDS-it, Lulëzim Krasniqi thekson se në lagjen e “Muhaxherëve” kjo kompani ka ndal furnizimin me energji elektrike si rrjedhojë e punimeve të planifikuara. Derisa shton se ndërprerja e furnizimit me energji elektrike pritet të zgjatë deri në ora 15:00.
“Ka punime të planifikuara deri rreth orës 15:00, që lidhen kryesisht me punim në rrjet”, thekson Krasniqi për KosovaPress.
Përndryshe, kohëve të fundit janë paraqitur probleme të mëdha energjinë elektrike në disa qytete të Kosovës, si Malisheva, Istogu, Prishtina, Ferizaj, Fushë Kosova, e ku mungesat kanë qenë deri në 12 orë. Si shkak i ndërprerje kanë ndodhur edhe protesta në Ferizaj.
Reklamë
