Dyzet majmunë kanë ikur nga një objekt kërkimor në Karolinën e Jugut, ndërkohë që banorët këshillohen të mbajnë dyert dhe dritaret të sigurta për të parandaluar hyrjen e tyre në shtëpi dhe të raportojnë rastet në polici.
Kamerat e imazhit termik dhe kurthe janë vendosur për të ri-kapur kafshët, të cilat u çliruan nga zona Alpha Genesis në Yemassee të mërkurën mbrëma.
Policia lokale në Facebook tha se banorët duhet të mos bien në kontakt me majmunët dhe të lajmërojnë policinë sapo t’i dallojnë ata.
Alpha Genesis thotë se ofron “produkte jo-njerëzore të primatëve dhe shërbime të kërkimit biologjik” me “më shumë se 100 hektarë karantinë, mbarështim, mbajtje dhe hapësirë kërkimore”.
Ajo kryen prova klinike, duke përfshirë trajtimet e sëmundjeve të trurit, dhe thotë se ofron “standardet më të larta të kujdesit për të gjitha kafshët”.
Ndryshe, 19 majmunë kishin ikur nga objekti kërkimor Alpha Genesis në vitin 2016, përpara se të kapeshin gjashtë orë më vonë. /SkyNews
