Kurti takohet me sekretarin e Përgjithshëm të Këshillit të Evropës, diskutohet për anëtarësimin e Kosovës në këtë organizatë

Kryeministri Albin Kurti bëri të ditur se  në takimin në kuadër të punimeve të Samitit të Komunitetit Politik Evropian (EPC), me Sekretarin e Përgjithshëm të Këshillit të Evropës, Alain Berset, vazhduam bisedën për anëtarësimin e Republikës së Kosovës në këtë organizatë.

“Është e tejet e rëndësishme që, nëpërmjet pranimit në Këshill, Kosovës t’i mundësohet pjesëmarrje në mekanizmat evropianë për mbrojtjen e të drejtave dhe lirive themelore, si dhe qytetarëve qasje në Gjykatën Evropiane për të Drejtat e Njeriut”, shkroi në Facebook Kurti.