Lideri i AAK-së, Ramush Haradinj, ka shprehur ngushëllime për vrasjen e mbrëmshme të policit Muhamed Lika në Kaçanik.
Ai ka bërë me dije se është ndier thellësisht i prekur nga lajmi për rastin.
Në profilin e tij në “Facebook”, Haradinaj ka kërkuar zbardhjen e menjëhershme të rastit.
“Thellësisht i prekur nga lajmi për vrasjen në rrethana të paqarta të pjesëtarit të Policisë së Kosovës, Muhamed Lika, pranë shtëpisë së tij në Kaçanik. I ndjeri ishte një atdhetar i dëshmuar, i cili qysh si i ri iu bashkua radhëve të UÇK-së për çlirimin e vendit dhe më pas, në liri, i shërbeu me përkushtim Kosovës nën uniformën e Policisë. Jeta dhe vepra e tij janë shembull i përkushtimit ndaj atdheut dhe mbrojtjes së qytetarëve. Ngushëllimet më të sinqerta familjes Lika, kolegëve të tij në Policinë e Kosovës dhe të gjithë atyre që e njohën. Kërkoj nga institucionet zbardhjen e menjëhershme të këtij rasti dhe sjelljen e autorëve para drejtësisë!”, ka shkruar Haradinaj.
