Vrasja e rreshterit Muhamed Lika, hetimet vazhdojnë

Në vendin ku mbrëmë u vra rreshteri Muhamed Lika, shihet ende e pozicionuar një veturë e Policisë së Kosovës, teksa hetimet po vazhdojnë, raporton ATV.

Ngjarja tragjike ndodhi në rrugën “Idriz Seferi” në Kaçanik, pranë hyrjes së ndërtesës ku banonte viktima, ndërsa hetimet vazhdojnë.

Rreshteri Lika u qëllua me armë zjarri rreth orës 23:00 të së martës, në momentin kur po hynte në banesën e tij. Ekipi i emergjencës e transportoi menjëherë në Qendrën e Mjekësisë në Kaçanik, ku mjekët konstatuan vdekjen e tij.

I dyshuari për vrasjen është ende në arrati, ndërkohë që motivet e këtij akti të rëndë mbeten të panjohura. /atvlive.tv