Vdes në QKUK personi që u godit nga vetura në Vushtrri, Policia jep detaje të aksidentit fatal

Ka vdekur një person si pasojë e një aksidenti në Vushtrri.

Sipas Policisë, viktima kishte zbritur nga kamioni me të cilin po udhëtonte për të rregulluar një ngarkesë në rimorkio. Kështu i njëjti është goditur nga një veturë në lëvizje.

Aksidenti ka ndodhur më datë 8 shtator, kurse viktima ka ndërruar jetë në QKUK një ditë pas.

“Novolan, Vushtrri 08.09.2023 – 09:00. Një mashkull kosovar ka pësuar lëndime të rënda trupore pasi është goditur nga një veturë në lëvizje. Aksidenti ka ndodhur kur viktima kishte zbritur nga kamioni me të cilin po udhëtonte për të rregulluar një ngarkesë në rimorkio. Viktima është dërguar për trajtim mjekësor, ndërsa më 09.09.2023 i njëjti ka ndërruar jetë në QKUK. Me vendim të prokurorit trupi i pajetë është dërguar për obduksion, ndërsa i dyshuari është arrestuar dhe dërguar në mbajtje”, thuhet në njoftimin e PK-së.