Vazhdon gjykimi për rastin “Banjska”, dëshmon polici Mirsad Kryeziu

Në Gjykatën Themelore të Prishtinës ka vazhduar gjykimi ndaj tre të akuzuarve në rastin “Banjska”: Vladimir Toliq, Dushan Maksimoviq dhe Blagoje Spasojeviq, raporton ATV.

Në seancën e sotme dëshmoi polici Mirsad Kryeziu, njëherësh edhe i plagosur gjatë përballjes me sulmuesit. Ai tregoi se ka qenë i pranishëm gjatë sulmit të armatosur në shtator të vitit 2023, ku mbeti i vrarë rreshteri Afrim Bunjaku dhe u plagosën disa zyrtarë të tjerë policorë.

Procedura për këta tre të akuzuar është veçuar nga ajo e 42 të tjerëve, përfshirë Milan Radoiçiqin, për të cilët janë lëshuar urdhër-arreste ndërkombëtare. Sipas Prokurorisë Speciale, grupi ka kryer vepër terroriste me qëllim të shkëputjes së veriut të Kosovës. /atvlive.tv