Një valë e të nxehtit ka mbuluar disa pjesë të Evropës jugore dhe Afrikës veriperëndimore, me mundësinë që të ketë temperatura rekorde gjatë ditëve në vijim, kanë paralajmëruar ekspertët.
Agjencia Evropiane e Hapësirës ka paralajmëruar se nga kjo javë Evropa pritet të hyjë nën ndikimin e vapës së madhe dhe se temperaturat mund të arrijnë deri në 48 gradë Celsius.
Në deklaratën e kësaj agjencie thuhet se Italia, Spanja, Franca, Gjermania dhe Polonia do të përballen me valën e motit të nxehtë. Në Itali, temperaturat pritet të arrijnë deri në 48.8 gradë Celsius, derisa autoritetet kanë lëshuar alarmin e kuq për 10 qytete, përfshirë Romën, Florencën dhe Bolonjën.
Kjo valë e të nxehtit është emëruar vala e nxehtit “Cerberus”, nga Agjencia Meteorologjike Italiane. Temperatura më e lartë në historinë e Evropës, u mat vitin e kaluar me 48.8 gradë në Sicili të Italisë, por ky rekord mund të thyhet sërish këtë vit.
Të martën, një burrë në të dyzetat në Italinë veriore, ka vdekur si pasojë e nxehtësisë ekstreme.
Muaji qershor u regjistrua si muaji më i ngrohtë deri më tani në tokë, duke u rritur me rreth 1 gradë mbi vlerën e matur në vitin 1976. /atvlive.tv
Edicionin Qendror të lajmeve në ATV e gjeni në videon më poshtë:
