UEFA konfirmon: Finalja e Ligës së Kampionëve luhet në Stamboll

Shtëpia e futbollit evropian, UEFA ka konfirmuar se finalja e Ligës së Kampionëve do të zhvillohet në Stamboll siç ishte planifikuar, pavarësisht se vendi po shkon në një periudhë zgjedhore të ngarkuar politikisht nga kjo fundjavë.

Kishte spekulime se UEFA kishte parë planet e emergjencës nëse rezultati i zgjedhjeve do provokonte tensione brenda Turqisë, me raporte se ata kishin folur me Federatën e Futbollit të Portugalisë për transferimin e finales në Lisbonë.

Por UEFA e ka mohuar këtë dhe pretendon se finalja do të zhvillohet sigurt në stadiumin Ataturk në Stamboll.

“Finalja e Ligës së Kampionëve të UEFA-s 2023 do të zhvillohet në Stamboll siç ishte planifikuar, më 10 qershor 2023”, thuhet në një deklaratë të UEFA-s.

“UEFA nuk ka diskutime për të kundërtën me asnjë institucion politik, qeveri apo shoqatë kombëtare të futbollit”.

Zgjedhjet presidenciale turke nisin me raundin e parë të votimit të dielën dhe presidenti aktual Recep Tajip Erdogan mund të shohë fundin e sundimit të tij dy dekadash.