Sveçla takohet me zyrtaren e NATO-s, diskutohet për situatën në veri dhe veprimet kërcënuese të Serbisë ndaj Kosovës

Ministri i Punëve të Brendshme i Kosovës, Xhelal Sveçla ka bërë të ditur se është takuar me Ariella Viehe, Shefe e operacioneve aktuale, Divizioni për Operacione i Shabit të Përgjithshëm të NATO-s.

Siç bën të ditur ministri përmes një njoftimi në Facebook, në takim është biseduar për situatën e veriut në vend.

Sveçla tha se ka shprehur shqetësimin e tij për qasjen e vazhdueshme destruktive të Serbisë dhe për gjuhën dhe veprimet e saj kërcënuese në raport me Kosovën.

Tutje në njoftim u theksua edhe rëndësia për t’i ndëshkuar ekstremistët e dhunshëm, si garancë për të mos u përsëritur sulmet me të cilat janë përballur pjesëtarët e KFOR-it.