Shtohen rastet me kancer në Shqipëri, rreth 15 pacientë konsultohen për kimioterapi çdo ditë

Sëmundjet tumorale vazhdojnë të shtojnë numrin e pacientëve në radhët e tyre në Shqipëri.

Në vitin 2024, në Shqipëri u regjistruan rreth 4 mijë raste me të gjitha llojet e tumoreve.

Shifrat më të larta ishin për kancerin e gjirit tek gratë dhe të mushkërive tek meshkujt.

“Kanceri i gjirit prek gratë nga mosha 20 e ca vjeç deri në 90 vjeç . Nëse risku për një grua është 1 në 400 gra, me rritjen e moshën në 70 vjeç shkon 1 në 12, kanceri pulmonary, duhanpirja dhe koha e duhanpirjes kanë impakt në shfaqjen e sëmundjes”, tha Anila Pema, mjeke onkologe.

Aktualisht 15 pacient çdo ditë konsultohen në shërbimin e kimioterapisë për mënyrën e trajtimit të sëmundjes, që konvertohen në afro 3000 konsulta kimioterapie në vit.

Onkologja Pema ka theksuar se një pjesë janë paciente që e kanë kapur zbuluar herët sëmundjen dhe vazhdojnë me mjekim normal, pa pasur nevojë për kimio terapi.

Sipas mjekëve, sëmundjet tumorale, jo vetëm te të rriturit, ato po hasën gjithmonë e më shumë edhe te moshat e reja.