​

Pjesë të Tajlandës po përballen me përmbytje rekord, të cilat kanë shkaktuar vdekjen e të paktën 18 personave dhe kanë detyruar autoritetet të angazhojnë anije ushtarake dhe helikopterë për të mbështetur operacionet e ndihmës.

Përmbytjet kanë goditur dhjetë provinca në jug të vendit gjatë javës së kaluar, ndërsa qyteti Hat Yai – një qendër e rëndësishme biznesi pranë kufirit me Malajzinë – ka regjistruar sasinë më të madhe të reshjeve në 300 vjet: 335 mm brenda një dite.

Shirat e pandërprera kanë prekur rëndë edhe vendet fqinje. Në Vietnam, numri i viktimave është rritur në 98 vetëm brenda një jave, ndërsa në Malajzi, mbi 19,000 banorë janë detyruar të largohen nga shtëpitë e tyre për shkak të situatës së rënduar.