Drejtori i Televizionit ATV, Zija Rexhepi, në emisionin “STUDIO A”, njoftoi se seriali “Tre Vllaznit” do të vijë me tri episode të reja ekskluzive për festat e fundvitit.
“Janë diku 14 emisione, që janë speciale për Vitin e Ri, përfshirë këtu edhe tri episodet e reja të serialit ‘Tre Vllaznit’, të cilat do të vijnë si ekskluzivitet në tri netët e para të festës, domethënë me datën 31 dhjetor, 1 dhe 2 janar”, tha Rexhepi.
Seriali “Tre Vllaznit“, prodhim i televizionit ATV, tashmë ka fituar popullaritet të jashtëzakonshëm në mesin e publikut shqiptar, duke grumbulluar miliona shikime në YouTube dhe rrjetet e tjera sociale.
Promon e serialit “Tre Vllaznit” për edicionin festiv të Vitit të Ri, e gjeni në videon më poshtë:
